لما الدنيا تلف تدور
و يضلم جوايا النور
تطلع صرخة تشق العتمة
عايزة تعدي الباب و السور
أو لو ضعفي ف يوم يغلبني
اجري .. اهرب م اللي تاعبني
احدف نفسي ف حضن اللمة
القى قلوب عطفها دوبني
أما أنت يا قلمي قاسي عليا
كل ما تكتب تجرح فيا
ده أنا قلت اجي بعزم وهمة
تكتبلي الفرح ف أغنية
قاللي راح اكتب أحلى كلام
لما تسيبك م الأوهام
قومي و عيشي و حبي بذمة
خلي عيونك على قدام
No comments:
Post a Comment